Fshatrat e Kamenicës bëhen me ujësjellës

Kamenicë – Në fshatin Koretin pritet të investohen edhe 40 mijë euro për të rrumbullakësuar projektin e ujësjellësit.

Begzad Sinani ka takuar banorët e fshatit Koretin dhe Këshillin Lokal ku ka folur për realizimin dhe përmbylljen e projektit të ujësjellësit në këtë fshat.

Sinani ka thënë se ndarja e fondit prej 40 mijë eurove do të mundësojë përmbylljen e këtij projekti. “Ne jemi të interesuar që projektet e planifikuara dhe ato të premtuara ti realizojmë deri në fund. Fshatrat e Kamenicës po modernizohen edhe me ujësjellës dhe ky është një sukses i qeverisjes komunale” ka thënë Sinani derisa në takim ka marrë pjesë edhe përfaqësuesi nga “Hidromorava” Mumin Morina si dhe kryetari i Këshillit të fshatit lokal Sejdi Kurteshi./rajonipress/