“17 shkurti” kujdeset edhe për mbeturinat e Mireshit

Gjilan – Shoqata “17shkurti.ch” ka blerë 10 kontejner në vlerë të 200 eurove të cilat do të përdoren për nevojat e fshatit Miresh. Shkumbin Bislimi tha për rajonipress se ky projekt ka një domethënie të madhe sepse dëshirojmë që fshati të jetë ambientalisht i pastër.

Rreth 10 shporta janë blerë nga shoqata “17 shkurti.ch” me seli në Zvicër për nevojat e bashkëfshatarëve të tyre në Miresh (ish Dobërqan), raporton rajonipress.

Këto shporta sipas Shkumbin Bislimit anëtar i kryesisë dhe arkëtar nga “17 shkurti.ch” do të përdoren nga banorët e fshatit për ndarjen e aluminit (kanaqeve) dhe plastikës (shisheve).

Bislimi tha se tash e tutje qytetarët duhet të kujdesen maksimalisht në mënyrë që shishet dhe kanaqet t`i hedhin në shportat përkatëse.

Sipas tij rreth 200 euro janë mbledhur nga kjo shoqatë për të blerë këto shporta të cilat qëllim primar kanë vetëdijesimin e qytetarëve për të pasur një ambient të pastër e të shëndoshë./rajonipress/