Behrami mungon ndaj Anglisë

Lajme të këqija për Përfaqësuesen e Zvicrës. Njëri prej lojtarëve kryesorë të ekipit të Vladimir Petkovicit, Valon Behrami, ka pësuar lëndim gjatë stërvitjes me ekipin e tij të ri, Hamburg, dhe nuk do të mundë t’i ndihmojë “helvetikët” në ndeshjen e parë të kualifikimeve për Evropianin 2016.

Sipas mediave zvicerane, 29-vjeçari ka pësuar një tërheqje muskulore dhe nuk do të mundë ta ndihmojë Zvicrën të hënën mbrëma ndaj Anglisë, në ndeshjen që do të zhvillohet në Basel.

Behrami ishte pjesë e ekipit të Ottmar Hitzfeldit në Botërorin e fundit, që u mbajt në Brazil, së bashku me shqiptarët e tjerë, Shaqiri, Xhaka, Mehmedi e Xhemaili.