Bujar Haziri i lumtur që Gjilani bëhet me muze rajonal

“Pas shumë angazhimeve dhe në vazhdimësi të punës, është arritur që të realizohet një nga premtimet e Kryetarit Lutfi Haziri , se Gjilani do të ketë Muzeun dhe se ndërtesa e vetë Kryetarit të Komunës është shndërruar në Muze rajonal të Gjilanit. Zhvillimi i kësaje ideje është bërë realitet dhe në këtë fazë do të fillojë implementimi i programit për Muzeun sipas marrëveshjes së bashkëpunimit me CHWB, që është një fazë e zhvillimit të kapaciteteve dhe trajnimeve profesionale duke punuar që të mblidhen eksponatet, të bëhet katalogimi i tyre, të bëhet interpretimi i tyre dhe të ndërtohen ekspozitat në muze, përpos kësaj të trajnohet stafi dhe muzeu i Gjilanit të bëhet pjesë e rrjetit të muzeve” tha Haziri.

Qyteti i Gjilanit që nga fundjava e kaluar është bërë zyrtarisht me muze. Hapja e këtij institucioni ishte edhe njëri nga premtimet gjatë fushatës elektorale të kryetarit të tanishëm, Lutfi Hazirit.

Ndërsa Bujar Haziri, drejtori i Drejtoratit për Kulturë të qytetit të Gjilanit për KultPlus tha se ky institucion është hapur shkas i shumë angazhimeve dhe një pune të palodhshme.

“Pas shumë angazhimeve dhe në vazhdimësi të punës, është arritur që të realizohet një nga premtimet e Kryetarit Lutfi Haziri , se Gjilani do të ketë Muzeun dhe se ndërtesa e vetë Kryetarit të Komunës është shndërruar në Muze rajonal të Gjilanit. Zhvillimi i kësaje ideje është bërë realitet dhe në këtë fazë do të fillojë implementimi i programit për Muzeun sipas marrëveshjes së bashkëpunimit me CHWB, që është një fazë e zhvillimit të kapaciteteve dhe trajnimeve profesionale duke punuar që të mblidhen eksponatet, të bëhet katalogimi i tyre, të bëhet interpretimi i tyre dhe të ndërtohen ekspozitat në muze, përpos kësaj të trajnohet stafi dhe muzeu i Gjilanit të bëhet pjesë e rrjetit të muzeve” tha Haziri.

Po ashtu në këtë përiudhë, sipas Hazirit, do të punohet edhe në krijimin e dokumenteve bazë mbi të cilat do të funksionojë muzeu.

Gjithashtu nga ana e forumit lokal të trashëgimisë kulturore është hartuar plani lokal i trashëgimisë kulturore. Ky plan, përpos muzeut e ka edhe një listë të gjatë të veprimeve që duhet të ndërmerren për mbrojtjen dhe trajtimin e trashëgimisë kulturore.

“Kryesishte do të grumbullohen artefakte nga e kaluara e trashëgimisë sonë përmes qytetarëve , dhe deri më tani janë grumbulluar mbi 300 sosh , kryesisht përmes Qendrës Rajonale të Trashëgimisë Kulturore dhe në bashkëpunim me qytetarë të pasionuar për këtë veprimtari që kanë ruajtur dhe kultivuar këto tradita” u shpreh Haziri.

Ai gjithashtu tha se Gjilani ka pasur të kultivuar muzeun në shtëpi të qytetarëve dhe ka bërë grumbullimin dhe ruajtjen e shumë eksponateve dhe artefakteve, por mungesa e institucionit muzeor ishte fillimisht në mungesë të një vullneti për të vepruar dhe siguruar hapsirën e nevojshme fizike sikurse është rasti i lirimit të objektit të Kryetarit te Komunës, por edhe mungesa e një përkushtimi të vendosur institucional dhe serioz në marrjen e vendimeve të rëndësishme.

“Prandaj, me fillimin e zhvillimit të Muzeut si një institucion i rëndësishëm , Gjilani nga një qytet agro-industrial në të kaluarën synon të ndërtojë një identitet të ri si qendër regjionale ekonomike dhe socio kulturore e turistike” tha në fund kryetari i Drejtorisë së Kulturës në qytetin e Gjilanit, Bujar Haziri.

Ndërtesa në të cilën tashmë është muzeu daton që nga fundshekulli tetëmbëdhjetë. / KultPlus.com