Xhaka i lumtur në Borussia Monchengladbach

Mesfushori shqiptar Granit Xhaka i është bashkuar Borussia Monchengladbach për përgatitjet për sezonin e ri.

Reprezentuesi shqiptar i Zvicrës, i cili ka qenë i lidhur me largimin nga klubi gjerman, ka thënë se është i lumtur në Monchengladbach. Ai thotë se asnjë herë nuk qenë në pyetje largimi nga kjo skuadër.

“Prej dy viteve jam këtu dhe ndihem i lumtur në këtë klub. Asnjë herë nuk ka qenë në pyetje largimi nga Borussia Monchengladbach”, ka thënë Xhaka.

Mesfushori prishtinas ka treguar performancë mjaft të mirë me Zvicrën në Kupën e Botës “Brazili 2014”, madje ai është kosovari i parë që shënon gol në një Kampionat Botëror.