“Every Night” me Zanfinën

​Këngëtarja e njohur, Zanfina Ismaili, si duket është e gatshme që për publikun e saj të sjellë këngën më të re e cila do të titullohet ‘Every Night’. Këtë e ka bërë të ditur vetë këngëtarja seksi në një bisedë për gazetën Tribuna, ndërsa ka theksuar se sot pasdite kënga do të publikohet.

“Sot publikohet kënga ime e re e cila titullohet ‘Every Night’. Është një këngë ritmike, tipike verore do të thosha. Shpresoj se edhe publiku do ta pëlqejë. Pasi që i gjithë ekipi vërtet kemi punuar me shume përkushtim”, ka thënë Zanfina në fillim të bisedës, duke shpalosur tutje se kush e ka punuar këtë këngë, ndërsa thekson se ‘Every Night’, do të jetë e plotësuar edhe me videoklip.

“Patjetër që këngës i është realizuar edhe videoklipi. Do të jetë një klip shumë më ndryshe nga ç’është mësuar publiku të më shohë, por nuk po zbuloj imtësi, le të mbetet befasi për ta. Ndërkaq për këtë këngë kam punuar me producentët Zzapp&Chriss, të cilët vërtet kanë bërë një punë të mirë”, ka thënë Zani./Tribuna/.