Sampdoria e Juve, bisedime për Mustafin

Juventusi nuk ndalet në transferime. Pas francezit Koman, bardhezinjtë bëjnë të vetin një tjetër talent. Është fjala për Stefano Sturaro, 21-vjeçarin e Genoas. Mbrëmjen e së mërkurës Bepe Marotta bëri presing për të blerë kartonin e titullarit të Shpresave të Italisë dhe ia arriti qëllimit. Kështu, në arkat e Preciozit do të shkojnë 5 milionë euro.

Ndërsa një tjetër lojtar në planet e juventinëve është edhe Shkodran Mustafi. Mbrojtësi 22-vjeçar me origjinë shqiptare është grumbulluar me kombëtaren gjermane në Kupën e Botës “Brazil 2014″. Mustafi prej vitit 2012 luan në Serinë A me Sampdorian. Oferta që mund të bëjnë në tavolinë kampionët e Italisë është 6 milionë euro. Mediat vendëse shkruajnë se të dyja klubet janë në negociata.

Ndërkohë brenda 48 orëve pritet të nisin bisedimet edhe me Alvaro Moratën.