Forumi Rinorë i Lëvizja Qytetare “Vatra” mbajti kuvendin e dytë zgjedhor

Forumi Rinor i Lëvizjes Qytetare Vatra në Gjilan mbajti kuvendin e dytë zgjedhor duke zgjedhur kryetar të Forumit Rinor Alfred Halilin kurse nënkryetar Shaban Tahirin, dhe Zejdush Rexhepin si dhe sekretare Elmedina Nuredini.

Me prezencën e 80 delegatëve dhe në prezencën e përfaqësuesve të Kryesisë Qendrore, në këtë kuvend u miratua ndryshimi i një pjese të statutit të Forumit Rinor të Lëvizjes Qytetare Vatra, si dhe në këtë kuvend u zgjodhën anëtarët e këshillit të përgjithshëm dhe kryesisë.

Kryetari i LQV-së, Kushtrim Kadriu tha se rinia e “Vatrës “ ka qenë ajo që ka mbajtur gjallë këtë Lëvizje dhe ajo do të jetë ajo që do ta mbajë gjallë e të fortë këtë Lëvizje. Kryetari Kadriu tha se “Vatra” në zgjedhjet e nëntorit do të jetë subjekt serioz, vota jonë do të mbrohet nga komisonerët që tani do i kemi ne dhe manipuluesit e votës do të qëndrojnë larg votës së Vatrës.

Alfred Halili falënderoi delegatët për besimin e udhëheqjes politike që ja ofruan. z.Halili tha se qytetarët e Kosovës Lindore që jetojnë në republikën e Kosovës, veçanërisht në qytetin e Gjilanit, kanë nevojë për përfaqësim të ndershëm dhe të punohet drejtë që të ju plotësohen nevojat elementare për një jetë të mirë. Njëherit kërkoi mbështetje nga çdo luginas që jeton në qytetin e Gjilanit dhe qytetet tjera të republikës së Kosovës. /rajonipress/