Berisha kapiteni i kombëtares

Me mungesën e Lorik Canës në ndeshjen miqësore ndaj San Marinos, kapiteni i ekipit ishte Etrit Berisha.

Portieri i kombëtares shqiptare ka qenë një nga lojtarët më të mirë në këto ndeshje që janë luajtur dhe ndoshta kjo ka qenë një nga arsyet përse është zgjedhur kapiten i kombëtares.

Kjo është një çështje shumë e nxehtë dhe për të shmangur polemikat shiriti ka qëndruar në portën kuqezi. Edhe kur Berisha u zëvendësua, kapiten i kombëtares ishte portieri i Skënderbeut Orges Shehi.