Januzaj: Puna ime është ta kënaq publikun me atraksione

Adnan Januzaj theksoi pas takimit ndaj Belgjikës se detyra e tij në fushë është ta kënaq publikun dhe një gjë të tillë e bëri pikërisht në debutimin e tij ndaj Luksemburgut.

Anëtari i Manchester Unitedit, Adnan Januzaj, ka thënë se detyra e tij në fushën e gjelbër është ta kënaq publikun.

Adnani dhuroi atraksion në debutimin e tij me Përfaqësuesen e Belgjikës dhe thotë se një gjë e tillë është kënaqësi për të.

“Unë luaj për të kënaqur publikun”, u shpreh Adnani, përcjellin mediat belge.

“Driblimi me top? Është pjesë e punës sime. Tifozët ishin mjaft të mirë, mirëpo nuk kisha presion pasi jam mësuar të luajë para një publiku të tillë”, shtoi tutje Januzaj.