Ahmeti ‘pak më i dobët’ se Mustafa

Për rreth nëntë për qind më pak mblodhi nga taksat në territorin e Komunës, kryetari Shemnd Ahmeti, se sa ish-kryetari Isa Mustafa. Më pak shpenzoi para edhe në investime kapitale.

I dobët ishte vlerësuar raporti tremujor financiar për periudhën janar-mars 2013 i ish-kryetarit të Prishtinës, Isa Mustafa. Por, ngecje pak më shumë në të hyra e investime kapitale ka kryetari i ri i Prishtinës, Shpend Ahmeti për tre muaj qeverisje – shkruan gazeta Tribuna.

Komuna, nën udhëheqjen e kryetarit Ahmeti, në periudhën janar-mars ka shpenzuar gjithsej 8,019,473.75 euro në tërësi nga buxheti prej 63 milionë e 443 mijë eurosh, pa bartjen e mjeteve të vitit 2013. Prej tyre 5 milionë e 587 mijë janë shpenzuar në paga dhe meditje, 1 milion e 441 mijë në mallra dhe shërbime, 4921 mijë në shërbime komunale, 56 mijë euro në subvencione dhe 442 mijë euro në projekte kapitale.

Në të njëjtën periudhë të vitit 2013, Isa Mustafa kishte shpenzuar 8 milionë e 627 mijë euro.

/Tribuna/