Mbështetje KCBS-it për implementimin e projektit “Të drejtat Pronësore të Grave, Fuqizimi i Tyre”

Kamenicë – Nënkryetari i komunës së Kamenicës z. Fatmir Matoshi së bashku me drejtorin e administratës z. Valon Maliqi, kanë pritur sot në takim përfaqësuesit e organizatës Kosovo Center for Bussiness Support (KCBS), Nazmi Pllana, drejtor ekzekutiv, Burim Korqa – menaxher i programeve dhe koordinatorin e projektit, Besim Haziri. Ata kanë njoftuar përfaqësuesit e komunës rreth fillimit të implementimit të projektit “Të Drejtat Pronësore të Grave, Fuqizimi i Tyre”.

Nikoqirët, pasi i kanë falënderuar përfaqësuesit e kësaj organizate për vizitën, u kanë ofruar mbështetje maksimale institucionale për implementimin e këtij projekti në komunën e Kamenicës.

Projekti “Të drejtat Pronësore të Grave, Fuqizimi i Tyre”, i cili financohet nga USAID, ka për qëllim funksionalizimin e zyrës për regjistrim civil në zbatimin e obligimeve ligjore për dërgimin e certifikatave të aktit të vdekjes në gjykatë për procedurë të mëtutjeshme trashëgimore në komunën e Kamenicës.

Përfaqësuesit e organizatës Kosovo Center for Bussiness Support (KCBS), kanë falënderuar nënkryetarin Matoshi dhe drejtorin Maliqi për pritjen dhe për ofrimin e mbështetjes institucionale. Ky Projekt u vlerësua i rëndësishëm për komunën e Kamenicës./rajonipress/