Datën e zgjedhjeve e dikton vendimi për EULEX-in e Tribunalin

Subjektet kryesore parlamentare s’kanë agjendë për punën që duhet kryer Kuvendi para shpërndarjes, shkruan sot “Koha Ditore”.

Përbërja aktuale e Kuvendit nuk do të vetëshkarkohet pa vendosur për mandatin e ri të misionit evropian për sundimin e ligjit në Kosovë, e po kështu edhe për gjykatën që do të merret me krimet e luftës që pretendohet të jenë kryer nga UÇK-ja.

Qeveria është duke i negociuar të dyja çështjet në Bruksel. E,vendimin për to, por edhe për Ligjin për zgjedhjet, deputetët pritet të mos e marrin para gjysmës së prillit.

Sikur atëherë Kuvendi të shpërndahet, afatet kohore nuk lejojnë që zgjedhjet të mund të organizohen para gjysmës së qershorit.