Rita Ora: Jam krenare që përfaqësoj vendin dhe kulturën time

Superylli botëror, këngëtarja Rita Ora, është shprehur tejet e emocionuar pasi vizitoi Ambasadën e Kosovës në Londër, ku ajo u dekorua me çmimin “Ambasadore Nderi e Kosovës”.

Këngëtarja e cila vazhdimisht ka pranuar origjinën e saj, nga vjen, duke promovuar madje shtetin e ri të Kosovës, tash ka marrë shpërblimin.

Pasi pranoi këtë dekoratë nga presidentja, ylli shqiptar u shpreh mjaft i emocionuar dhe madje premtoi se do të vazhdojë të përfaqësojë vendin dhe kulturën e saj.
“Vizitova Ambadasën e Kosovës në Londër ku mora dekoratën “Ambasadore e Nderit e Kosovës” nga presidentja e Kosovës. Ndihem ekstremisht krenare që përfaqësoj vendin tim dhe kulturën tonë anë e mbanë botës. Ishte një moment emocionues për mua”, u shpreh Rita, transmeton Telegrafi.
Ndryshe Rita Ora ka xhiruar edhe një videoklip në Kosovë, ai “Shine Ya Light” i cili bëri bujë të madhe dhe ishte reklama më e mirë deri më sot për vendin tonë në botë. /Telegrafi

Rita Ora dekorohet nga presidentja si “Ambasadore e Nderit e Kosovës” (Foto)

Presidentja Atifete Jahjaga ka dekoruar këngëtaren Rita Ora si ambasadore e nderit e shtetit të Kosovës.

Vajza shqiptare që po na përfaqëson dhe po na nderon në gjithë botën, edhe një herë ka marrë titullin ‘Ambasadore e Nderit’ nga Kosova, por këtë herë në Londër.

Familja Ora sot ishin të pranishëm në inaugurimin e objektit të ri të Ambasadës së Kosovës në Londër, ku ka marrë pjesë edhe presidentja e shtetit, Atifete Jahjaga, shkruan Lajmi, transmeton Telegrafi.

Presidentja me anë të një komunikate në Facebook e konfirmoi titullin për Rita Orëm, ku publikoi edhe disa fotografi nga vizita.

Me këtë rast është bërë edhe ndarja e titullin për Ritën sipas përshkrimit të nënës së vajzave, Vera Ora.
Vera ka postuar në Instagram një fotografi të Ritës duke mbajtur fjalim para të pranishmëve, ku ka shkruar: ‘Urime për zemrën time, bravo vajza’, duke iu drejtuar Ritës dhe Elenës. /Telegrafi/