Haliti angazhohet për zhvillim ekonomik të komunës së Vitisë

Viti – Kryetari i Komunës së Vitisë, Sokol Haliti dhe Drejtori për Bujqësi, Pylltari dhe Zhvillim Rural Veton Ademi kanë pritur sot në takim zv. Ministren e Zhvillimit Ekonomik, znj. Besa Zogaj Gashi si dhe Përfaqësuesin e Fondacionit Kosovë-Luksemburg, Fisnik Beqiri.

Në këtë takim ata kanë bashkëbiseduar rreth mundësive për realizimin e projekteve të përbashkëta në fushën e Teknologjisë Informative, energjisë së ripërtritëshme, hartimin e një strategjisë zhvillimore lokale si dhe rreth çështjeve të tjera të cilat mund të ndikojnë në përmirësimin e zhvillimit ekonomik në Komunën e Vitisë./rajonipress/