Frosinone, Empoli dhe Lille, e duan Migjen Bashën

Migjen Basha do të largohet gjatë kësaj vere nga Torino, e cila nuk llogarit më në shërbimet e tij, përcjell Zëri.

Prandaj, interesimi i skuadrave për mesfushorin kosovar nuk mungon. Atij i ka skaduar kontrate me Granata dhe tash është në kërkim të ekipit të ri.

Sipas mediave italiane, interesim për përfaqësuesin shqiptar ka shfaqur Frosinone. Mirëpo, për të arritur t’i sigurojë shërbimet e 28 vjeçarit, klubi i ri nga Serie A duhet ta mposht konkurrencën e Empolit dhe Lillet, të cilat po ashtu e pëlqejnë futbollistin, përcjell Zëri.

Në sezonin e fundit, Basha i ka zhvilluar vetëm gjashtë ndeshje dhe ka realizuar një gol në fanellën e Torinos, pasi ishte i lënduar në pjesën më të madhe të sezonit.

Basha ka thënë se do t’i pëlqente të vazhdojë të luajë në Itali, ku i ka kaluar 10 vjet, por nuk e përjashton mundësinë që të shkojë në Turqi ose Gjermani. /Zëri/