UNMIK-u ndihmon Spitalin e Gjilanit

Gjilan – Spitali i Gjilanit këto ditë ka pranuar nga zyra e UNMIK-ut një donacion me vlerë afërsisht 12 mijë euro. Ky donacion përbehet nga disa shtretër për pacient, ormana për rroba një mikroskop dhe disa pjesë të rëndësishme për laborator.

“Ky donacion do të jetë ndihmesë e konsiderueshme në ofrimin e shërbimeve sa më cilësore për pacientet tan. Kemi premtime se format e tilla të ndihmës nga zyra e UNMIK-ut do të vazhdojnë edhe në të ardhmen” thotë drejtori i spitalit të Gjilanit Abdylatif Latifi.

Latifi tha se Spitali këto ditë është në vlugun e punëve në renovimin e disa objekteve siç janë ai infektives pulmologjisë dhe një pjesë e internos dhe kirurgjisë .

Gjithashtu kemi angazhim shtesë në furnizimin sa më të mirë me barna dhe material shpenzues medicinal. “Për ketë vit kemi pas planifikuar që të hapim edhe njësinë e kirurgjisë së fëmijëve, stafin mjekësor e kemi hapësirën me elemente përcjellëse i kemi, por për shkak të mungesës së stafit të mesëm mjekësor nuk kemi mund ta hapim”.

Kemi një mbështetje të plot nga drejtori i përgjithshëm Curr Gjocaj në të gjitha aspektet për çka edhe i jemi shumë mirënjohës tha Latifi./rajonipress/