Januzaj me padurim pret turneun në SHBA

Mesfushori i Manchester Unitedit, Adnan Januzaj, po shpreson t’i testojë aftësitë e tij kundër skuadrave të mëdha si Barcelona e PSG gjatë muajit të ardhshëm.

Manchesteri sërish do të udhëtojë në SHBA për të marrë pjesë në turneun “International Champions Cup”, të cilin e fitoi vitin e shkuar. Januzaj është i gatshëm për katër ndeshjet që do t’i luajë Manchesteri.

21-vjeçari, në edicionin 2014/15 regjistroi vetëm 21 ndeshje për Manchesterin dhe insiston se për të është një rast i mirë që të dëshmohet kundër kampionit të La Ligas dhe Ligue 1. Skuadra angleze në këtë turne do të luajë edhe kundër ekipit amerikan San Jose Earthquakes dhe atij nga Meksika, Club America.

“Mendoj se ndeshja kundër Barcelonës do të jetë një super sfidë për shkak se është një ekip të jashtëzakonshëm. Kjo do të jetë një përvojë e jashtëzakonshme për mua, pasi Barça edicionin e fundit fitoi të gjithë trofetë”, ka thënë Januzaj. “Po ashtu test i mirë për mua do të jetë edhe dueli me PSG-në, që është një ekip i madh dhe ka lojtarë të mirë në radhët e veta”, shkruan sot më gjerësisht Koha Ditore.

http://koha.net/?id=6&l=63798