Ujkani e konfirmon: Jam afër Sampdorias

Portieri i Përfaqësueses së Kosovës, Samir Ujkani ka folur rreth të ardhmes së tij e cila si duket është në Sampdoria.Kapiteni i Kosovës, në një prononcim për ‘Tribuna Chanel’, foli rreth ish-klubit të tij Palermo të cilën kaloi tetë vite si dhe të ardhmen që e lidh me Sampdorian.

Gjithashtu ish-anëtari i Chievos dhe Novarës, tha se është i kënaqur me ndeshjet që ka luajtur me Përfaqësuesen e Kosovës ku edhe shpreson që një ditë të marrë pjesë në kualifikimet për në Kampionatin Botëror ‘Rusia 2018’.

26-vjeçari nuk e harroi edhe Kombëtaren shqiptare, të cilën e ndjek në çdo ndeshje dhe i gëzohet sukseseve të arritura të kuqezinjve. /Telegrafi/