Berisha drejt Bundesligës gjermane

Veton Berisha është afër që ta bëjë një hap në karrierën e tij duke lënë kampionatin norvegjez për atë gjerman. Sulmuesi kosovar i cili mbron ngjyrat e skuadrës norvegjeze, Viking ka shkëlqyer në këtë fillim edicioni në elitën e futbolli norvegjez.

Ai tani po kërkohet me ngulm nga skuadra e Bundesligës 2 gjermane, Greuther Furth.

Furth është në kërkim të një sulmuesi dhe e sheh Vetonin si idealin për stinorin e ri.

Për mediat norvegjeze, Berisha ka thënë se i pëlqen të luaj në futbollin gjerman.

“Mua më pëlqen që të luaj në Gjermani. Futbolli gjerman është i bukur dhe i përshtatet stilit tim të lojës. Do të ishte një hap i madh për mua nëse transferohem në Bundesliga 1 ose Bundesliga 2”, tha Berisha.

Ndryshe te Greuther Furth aktivizohen edhe Ilir Azemi dhe Jurgen Gjasula. /Telegrafi/