Fitore që Dritën se shmang nga barazhi

Gjilan – Shënues: Arlind Shaqiri 47’, 48 – Eroll Miftari 21’. Drita ka shënuar fitore në ballafaqim me Trepçën 89’, por kjo fitore nuk i kryen punë, ngase edhe ashtu nuk mund t’i ik ndeshjes së barazhit, e cila do të vendos se a do të mbetet ekipi gjilanas në Superligën e Kosovës, apo do të garojë në rang më të ulët të garave.. Drita – Trepça ’89 2:1 (0:1).

Kjo mbase ka qenë arsyeja që gjilanasit kanë luajtur me përbërjen e dytë, duke ruajtur lojtarët më të mirë.

Mysafirët, që gjithashtu u paraqitën me një përbërje me ndryshe, në fillim të ndeshjes kanë qenë më të mirë dhe në minutën 21 ia kanë dalë që të kalojnë në epërsi me rezultat 0:1. Ka qenë Eroll Miftari që është shërbyer nga thellësia dhe me urti mbi duart e portierit vendas Huruglica e ka futur topin në rrjetë.

Vendasit në pjesën e parë kanë pasur vetëm një rast të mirë edhe atë në minutën 30, kur Murati ishte i vetmuar por gjuajti drejt në portierin.

Vendasit, shumë më mirë kanë luajtur në pjesën e dytë të ndeshjes. Që në nismë ata ia kanë dalë të barazojnë. Ka qenë Shaqiri që në minutën 47 ka shënuar nga afërsia. Një minutë më pas, i njëjti lojtar ka dalë i vetmuar para portierit mysafir dhe nga një pozitë ballore ka qëlluar rrjetën, për të shënuar rezultatin përfundimtar 2:1.

Drita – Trepça ’89 2:1 (0:1)

Stadiumi i Qytetit në Gjilan. Shikues: 50. Gjyqtarë: Idriz Kelmendi, Alban Ejupi, Visar Kelmendi, Artan Tahiri. Shënues: Arlind Shaqiri 47’, 48 – Eroll Miftari 21’. Të ndëshkuar nuk pati.

Drita: Huruglica, Baxhuku, Tusuni, Haliti, Rashiti, Ajdari, Morkaja, Shaqiri, Gashi, Shala, Murati, Trajner: Afrim Shahini.

Trepça 89’: Qitaku, Ademi, SAlihu (Haxhani), Jonuzi, Kaqiku, Sahiti, Ahmeti, Potoku, Hyseni, Miftari, Pepiqi. Trajner: Sabit Osmani./rajonipress/.