Evropa e pranon xhudon kosovare

Pas Federatës Ndërkombëtare të Xhudos, edhe ajo Evropiane (EJU) e ka pranuar në gjirin e saj Federatën e Xhudos së Kosovës.

Këtë e ka bërë të ditur trajneri Driton Kuka. Sipas tij, pas shumë takimeve të kryetarit të FXHK-së, Agron Kuka me zyrtarë të Federatës Evropiane, ndër të tjera me presidentin Soloveychik dhe sekretarin Galea, Federata e Xhudos së Kosovës pranohet me të drejta të plota edhe në EJU, shkruan Zëri.

Siç dihet, FXHK ishte bërë anëtarë e Federatës Ndërkombëtare të Xhudos me të drejta të plota prej vitit 2012.

Formalizimi i këtij pranimi pritet të ndodh në Kongres, që do të mbahet në muajin gusht, ndërsa Bordi Ekzekutiv tashmë veç e ka marrë vendimin. /Zëri/