Komuna e Vitisë e përkushtuar për shëndetin e qytetarëve

Viti – Kryetari i Komunës së Vitisë, Sokol Haliti me bashkëpunëtor ka marrë sot pjesë në prezantimin e pasqyrës shëndetësore të Komunës së Vitisë të përgatitur nga Infermierja, Fatime Bekteshi. Sipas këtij prezantimi qëllimi kryesor i pasqyrës në fjalë është identifikimi i prioriteteve dhe përzgjedhja e aktiviteteve më të përshtatshme të cilat do të ndikojnë në përmirësimin e gjendjes shëndetësore me qëllim që në këtë mënyrë të kemi një pasqyrë sa më të qartë të shëndetit të popullatës në këtë komunë.

Gjatë këtij prezantimi u dhanë edhe rekomandimet konkrete e një nga rekomandimet kryesore ishte implementimi i ligjit për sigurimet shëndetësor.

Kryetari i Komunës së Vitisë, Sokol Haliti e cilësoj si shumë të rëndësishëm takimin e sotëm ku është prezantuar kjo pasqyrë duke potencuar se dikujt kjo temë mund të ju duket e vogël por rëndësia e saj është jetike për shoqërinë.

Ai theksoi se Institucionet Komunale të Vitisë kanë bërë përpjekje maksimale dhe janë duke vazhduar që të ndikojnë në përmirësimin e jetës së qytetarëve të vet duke përmendur se në fillim të mandatit të tij, Vitia ka qenë e kontaminuar nga 93 deponi ilegale të mbeturinave. Aspektet shëndetësore mund të përmirësohen edhe me një ambient të pastër e të cilën e kemi përmirësuar dukshëm. Dua ta marrë si shembull se në fillim të mandatit i kemi indetifikuar 93 deponi ilegale të mbeturinave që gjë tregon se mjedisi ka qenë i kontaminuar mirëpo tani i kemi eliminuar 99% prej tyre” u shpreh Haliti.

Gjithashtu ai potencoi se qeveria komunale e Vitisë ka punuar edhe në krijimin e një mjedisin për aktivitetet fizike më qëllim që të rinjtë vitias të largohen nga dukuritë devijante.

Haliti e përgëzoj hartuesen e kësaj pasqyre, Infermieren Fatime Bekteshi për punën e bërë duke potencuar se Komuna e Vitisë do të ballafaqohet me të gjitha sfidat për të mirën e qytetarëve vitias.

Ndërkaq Infermierja, Bekteshi Gjatë prezantimit të saj tha se në hartimin e kësaj pasqyre janë intervistuar edhe fokus grupet e ndryshme.

Sipas saj sfidat kryesore janë përmirësimi i kushteve ekonomike, menaxhimi i mbeturinave, ndërtimi i ujësjellësve kanalizimit, aktivitete fizike dhe gjumi i rregullt që sipas saj ndikojnë në rritjen e përmirësimit të shëndetit publik në komunën e Vitisë.

Gjatë këtij takimi pjesëmarrësit kërkuan që sa më parë të zbatohet ligji për sigurimin shëndetësor./rajonipress/