Haziri: Gjilani, qytet i mundësive për investitorët e huaj

Gjilan – Shoqata austriako-kosovare OEKG, ka mbajtur mbrëmë një takim në Prishtinë, në të cilin mysafir nderi ka qenë kryetari i Komunës së Gjilanit, Lutfi Haziri, pastaj KFOR-i austriak, ADA e Austrisë, sikurse edhe përfaqësues të Odës Ekonomike të Austrisë.

Kryetari Haziri, i cili ka qenë folësi kryesor në këtë mbrëmje, ka folur rreth zhvillimit ekonomik, ku Gjilanin e ka paraqitur si qytet të mundësive për investitorët e huaj.

Gjithashtu, Haziri e ka falënderuar ADA-n e Austrisë dhe “Moza Group” për përkrahjen e dhënë për Komunën e Gjilanit.

Ky takim vije pas suksesit të Komunës së Gjilanit në panairin ndërkombëtar “Investment Management Exhibition” që u mbajt javë më parë në Cyrih, ku ka marrë çmimin “The best City Model Award” nga IME./rajonipress/