Mediat zvicerane zbulojnë klubin e ri të Xhakës

Blick ka njoftuar për skuadrën që pritet ta blejë Granit Xhakën.E përditshmja zvicerane, Blick, ka raportuar sot rreth gjasave që Granit Xhaka të transferohet te Bayern Munichu.

Blick shkruan se Atletico Madridi është një kandidat serioz për transferimin e Xhakës, por dëshira e këtij të fundit mbetet Bayerni.

Kosovari një gjë të tillë e kishte thënë edhe kohë më parë. “Sigurisht se Bayerni është një top-destinacion për mua, pasi është një superklub. Por, për momentin e kam vetëm Gladbachun në kokë”, ishte shprehur Graniti.

Ndryshe, pjesë e bavarezëve deri në janar të këtij viti ishte miku i mirë i Xhakës, Xherdan Shaqiri. /Express/