Kosovare Asllani rrëfen fëmijërinë përmes librit

(Expressen.se) – Kosovare Asllani ka shkuar rrugës së Christian Wilhelmsonit.Ylli i Përfaqësueses së Suedisë te femrat, ka publikuar librin autobiografik vetëm pak javë para se të nisë Botërori i futbollit te femrat në Kanada, shkruan sot “Koha Ditore”.

Autobiografia me titullin “Pasoje topin! Bërtiste Kosse”, është shkruar nga gazetaret Anja Gatu e Maria Kallstrom dhe është promovuar të hënën në Malmo.

Sipas Asllanit, që njihet edhe me nofkën përkëdhelëse “Kosse”, në libër flitet jo vetëm për futbollin, por për të gjitha periudhat e jetës së saj, edhe për atë fillestare kur ishte një emigrante jo shumë e dëshiruar në Suedi.

“Komplet libri është i inspiruar nga fëmijëria ime dhe koha kur kam filluar të luaj futboll. Nuk është vetëm për futbollin. Në libër flitet edhe për të shkuarën time si emigrante. Është një përzierje e të gjithave dhe i përshtatet karakterit tim”, ka thënë Asllani, që luan me skuadrën franceze PSG.

http://koha.net/?id=6&l=58049