Dita e Nënës shënohet edhe në Gjilan

Gjilan – Edhe Kosova po bëhet pjesë e shteteve, të cilat shënojnë ditën e nënës. Në Gjilan, kjo ditë është shënuar nën moton “Nëna është gjerdani që botën e mban të bashkuar”. Drita Klaiqi, zyrtare për barazi gjinore, thotë se Komuna e Gjilanit, prej këtij viti ka filluar me shënimin e ditës së nënës, që zanafillën e ka në SHBA dhe ndërkohë është zgjeruar në gjithë botën.

Shënimi i kësaj dite ka për qëllim ngritjen e vetëdijes së njerëzve për rolin që ka nëna në çdo shoqëri. “Duke lindur dhe edukuar një fëmijë, nëna edukon njerëzimin” thotë Klaiqi.

Shënimi i kësaj dite në Gjilan, është bërë përmes shpalosjes së një panoje të madhe, në ballinën e tetarit të qytetit, me moton “Nëna është shtylla e familjes”, shfaqjes së një programi me këngë e poezi dedikuar nënës si dhe shpërndarjes së karanfilave të kuq për nënat, të cilat në këtë ditë kanë lindur një fëmijë./rajonipress/