Sinani e Murati flasin për lehtësim të shërbimeve për bashkatdhetarët

Kamenicë – Kryetari i Komunës së Kamenicës Sinani ka pritur në një takim ministrin e Diasporës z.Valon Murati. Në prag të fluksit të bashkatdhetarëve tanë Sinani dhe Murati kanë biseduar rreth lehtësimit të shërbimeve sa më të mira për qytetarët e komunës së Kamenicës.

“Qëllimi i këtij takimi ishte lehtësimi i shërbimeve të gjendjes civile gjatë periudhës qershor-gusht, regjistrimi i qytetareve që jetojnë jashtë Kosovës, dhe shpërndarja e fletushkave në qendra kufitare rreth aktiviteteve që komuna do të organizon gjatë sezonit verorë për bashkatdhetarët tanë” ka thënë Sinani.

Sinani falënderoi ministrin Murati për angazhimin edhe sa i përket gjendjes në komunën tonë./rajonipress/