Mehmedi i bashkohet Xhakës në Gladbach?

Admir Mehmedi pritet të ndërroj skuadër por jo edhe kampionat.Sulmuesi shqiptar me pasaportë zvicerane është aktualisht pjesë e skuadrës gjermane Freiburg, por duket se në fund të stinorit do të largohet nga aty.

Mediat gjermane kanë shkruar se e ardhmja e anëtarit të Përfaqësueses së Zvicrës pritet të jetë në Borussia Moenchegladbach.

Admiri shihet si zëvendësim i sulmuesit Max Kruse i cili do të largohet nga Gladbachu në drejtim të Wolfsburgut për 12 milionë euro.

Ndërkohë Gladbach që është në rrugë të mirë për të luajtur edicionin tjetër në Ligën e Kampionëve, po mendon të ofroj rreth tetë milionë euro për Mehmedin. /Telegrafi/