Sherifi: USPE bindshëm në Gjakovë e në Gjilan

Gjilan – Unioni i Studentëve Pro Europian USPE, ka shënuar fitore ne zgjedhjet studentore në dy Universitetet Publike, në atë të Gjakovës dhe Gjilanit. Betim Sherifi Sekretar i Përgjithshëm i USPE-së thotë se sot janë mbajtur zgjedhjet studentore në Universitetin” Kadri Zeka” në Gjilan dhe në Universitetin “Fehmi Agani” në Gjakovë e ku USPE ka kandiduar për organet përfaqësues të studentëve si ato për Parlament Studentor dhe Këshillë Studentore.

Sherifi tha se në degën në Gjilan nuk ka pasur ndonjë problem që do ta dëmtonte procesin, kurse në Gjakovë sipas përfaqësuesve atje janë paraqitur disa probleme në involvimin e disa personave të cilët kanë tentuar të keqpërdorin detyrat që i janë dhënë.

Sherifi tha se sipas statistikave preliminare që kemi marrë ne, në degën në Gjilan USPE ka shënuar fitore me rreth 96% kurse në Gjakovë me rreth 76% , por këto statistika sipas Sherifit mbesin preleminare kështu që ne do të presim rritje edhe më të madhe pas shpalljes së rezultateve përfundimtare e ku USPE do të udhëheq edhe me dy vite të tjera thotë ai./rajonipress/