Ymeri thotë se do të ketë protesta, por nuk tregon kur

Kryetari i Lëvizjes Vetëvendosje, Visar Ymeri ka thënë se do të ketë një protestë të radhës, si pasojë e mosplotësimit të kushteve të kërkuara nga ajo paraprake.
Në një konferencë për media të mbajtur në seli të VV-së, Ymeri ka bërë të ditur se në protestat e radhës do të shtohen edhe disa kërkesa tjera.

Ai ka akuzuar Qeverinë, që siç u shpreh, po i shërben nevojave të zabtuesve, e jo kërkesave të qytetarëve.

“Qeveria po tregon se nuk është e gatshme të respektojë kërkesat e qytetarëve dhe është vënë në shërbim të zaptuesve”, ka thënë ai.

“Me këtë Qeveri, e cila ka treguar se nuk është e gatshme ta drejtojë vendin në kahje të drejtë, që tregon se e ardhmja nuk është e mirë, është e domosdoshme që të intensifikohen problemet politike”.

“Përveç temave që kanë qenë në protestën e kaluar thotë se mund t’i shtohet edhe çështja e kufirit me Malin e Zi dhe e drejta e Listës Serbe që të jetë pjesë e privatizimit”, ka thënë Ymeri, transmeton lajmi.net.