Kosovari falë të cilit Watfordi e siguroi Premierligën

Watfordi ka në radhët e veta një futbollist nga Prizreni. Nëntë gola dhe pesë asistime, këto janë statistikat e këtij sezoni të lojtarit Almen Abdi, i cili e ndihmoi ekipin e tij Watford të ngritët në premierë ligën angleze.

Futbollisti prizrenas, i cili është rritur në Zvicër, Almen Abdi, është treguar ndër lojtarët kryesor të ekipi Watford që gjendet në vendin e parë të tabelës së Chamionship në Angli dhe që me fitoren e fundit ndaj Brighton ka siguruar pjesëmarrjen në premier ligë për sezonin e ardhshëm.

“Kjo është e pabesueshme. Ne ishim duke u kthyer nga Brightoni. Ishim të ulur në autobusin e ekipit, shikonim të gjithë në celularët tanë rezultatet e ndeshjeve të tjera dhe pak para se të arrinim në Watford, e kuptuam se ne jemi ngjitur në premierë ligë”, ka thënë 28-vjeçari Abdi për “Blick.ch”, njofton albinfo.ch.

Sapo kanë ngrënë ushqim, janë dalë për të festuar me qytetarët dhe fansat e klubit, të cilët presin tashmë tetë vjet që ekipi i Watfordit të rikthehet në premierë ligë. “Ata na kanë mbështetur edhe kur gjërat në ekip nuk kanë ecur mirë. Prandaj këtë edhe e merituan”, ka thënë ai.

Almeni, në sezonin e ardhshëm do të këtë rastin të ballafaqohet me ekipet më të mira të premier ligës, por ai me padurim pret që të luajë në stadiumin e Mançester Junaitit. “Është kënaqësi për mua të luaj në të gjitha stadiumet e ekipeve të mëdha, por mbi të gjitha në Old Traford është diçka e veçantë”.

Almen Abdi në të kaluarën e tij ka qenë futbollist i Fc. Zurich, pastaj Le Mand në Francë dhe Udinese në Itali.