Gjilani shembull i respektimit të diversitetit fetar

Gjilan – Po vazhdojnë të mbahen takimet në mes të përfaqësuesve të bashkësive fetare në Gjilan, të cilat po mbahen me iniciativë të kryetarit të Komunës së Gjilanit, Lutfi Haziri.

Pas takimit të para një muaji në Bashkësinë Islame, sot është mbajtur takimi në “Don Bosko” me ftesë të Don Dominik Qerimit, në të cilin ka marrë pjesë përfaqësuesi i Komunës së Gjilanit, Halit Rexhepi, Naim Aliu nga Bashkësia Islame dhe Dragan Kojic nga Kisha Ortodokse serbe.

Përfaqësuesit e këtyre komuniteteve fetare kanë vlerësuar se këto takime prodhojnë pozitivitet dhe afrojnë me njëri-tjetrin, duke vlerësuar se Gjilani përherë ka qenë shembull i tolerancës fetare.

Në takim është diskutuar, poashtu, për organizime të manifestimeve të përbashkëta në të ardhmen, gjithnjë në shërbimit të tolerancës dhe respektimit të diversitetit fetar. Takimi i radhës do të mbahet pas një muaji./rajonipress/