Mustafa: Qeveria do t’i shfrytëzojë të gjitha kapacitetet për zbardhjen e të pagjeturve dhe dënimin e kriminelëve

Kryeministri i Kosovës, Isa Mustafa me rastin e ditës së të pagjeturve është zotuar se qeveria e tij do t’i shfrytëzojë të gjitha institucionet ndërkombëtare për ta kërkuar zbardhjen e të pagjeturve, kthimin e tyre si dhe për t’i dënuar kriminelët që kanë kryer këto krime.

Ai ka kërkuar përgjegjësi nga Serbia për zhdukjen e njerëzve të Kosovës dhe për krimet monstruoze që forcat ushtarake e paramilitare serbe i kanë kryer gjatë luftës së fundit në Kosovë.

“Ata që bënë krime, duhet të dalin para drejtësisë”, ka shkruar ndër të tjera në Facebook Mustafa.