Verifikimi nuk kthehet në pikën zero

Pavarësisht pakënaqësive të shumta me listat e publikuara të veteranëve, të invalidëve, të dëshmorëve, të pjesëtarëve dhe të pjesëmarrësve të luftës së UÇK-së, ky proces nuk do të kthehet në pikën zero.

Madje, sipas drejtuesve të këtij procesi, ideja e kthimit në fillim të këtij procesi është e pakuptimtë, pasi që ata besojnë se gabimet që janë bërë deri më tani do të mundë të përmirësohen në javët në vijim.

Në bazë të të dhënave që janë publikuar zyrtarisht u është njohur kontributi në luftën e UÇK-së 55 mijë e 637 personave.

Prej tyre statusin e veteranit e kanë marrë 26 mijë 274 persona, ndërsa statusi i invalidëve u është njohur 4590 personave, ai i pjesëtarëve u është njohur 8687 personave dhe i pjesëmarrës në luftën e UÇK-së 12 mijë 817 personave. Dëshmorë janë 3269./zeri