Sqarohet Elezi: S`kam marrë kurrfarë oferte nga PDK-ja

Gjilan – Shpend Elezi me profesion internist për rajonipress ka mohuar zërat se ai është njëri nga kandidatët për të udhëhequr me degën e PDK-së në Gjilan. Nuk qëndrojnë ato përfolje sepse askush nuk ka folur me mua dhe as që më është bërë ofertë nga PDK-ja tha Elezi.

Emri i Shpend Elezit internist nga Gjilani është përfolur kohëve të fundit si njëri nga kandidatët që mund të jetë në krye të degës së PDK-së në Gjilan, por ky i fundit ka mohuar këto zëra.

Elezi i kontaktuar nga rajonipress tha se asgjë konkrete nuk ka në këtë drejtim. “Askush nuk ka folur me mua për këtë çështje dhe s`kam pasur prej askujt nga PDK-ja ndonjë ofertë të tillë” tha Elezi shkurt.

Ngjashëm ka reaguar përmes postimit në fb edhe Aziz Mustafa një mjek tejet me perspektivë i cili gjithashtu ka mohuar zërat se ka pasur ndonjë ofertë nga PDK-ja.

Ishte Sami Hoxha koordinator i degës së PDK-së i cili pati deklaruar se dega e PDK-së në Gjilan ka kuadro të brendshme që mund të udhëheqin me këtë subjekt, duke mirëpritur çdo inkuadrim të kuadrove të reja dhe duke mohuar gjithashtu zërat se u është bërë ofertë Shpend Elezit dhe Aziz Mustafës./rajonipress/