Tare: Jam këtu falë kritikave të skeptikëve

Lazio ka zhvilluar deri në këto momente një sezon perfekt. Renditet e treta në Serina A, me vetëm një pikë më pak se rivalët e urryer të Romës, si dhe është kualifikuar në finalen e Kupës së Italisë, pasi nxori jashtë garës Napolin.

Bardhekaltrit prej gati dy muajsh dinë vetëm të fitojnë, për ta është një periudhë e artë pas zhgënjimeve të shumta të përjetuara gjatë sezoneve të fundit. Dhe sigurisht meritë kryesore për ndërtimin e kësaj skuadre ka drejtori sportiv Igli Tare, i cili nuk e fsheh gëzimin për këtë sezon të mrekullueshëm. Fillimi si drejtuesi i lartë i lacialëve nuk ka qenë aspak i lehtë për 41-vjeçarin, ndaj të cilit gjithmonë ka pasur kritika.

Sipas ish-sulmuesit të përfaqësueses shqiptare, objektivi i tij nuk është t’u tregojë se skeptikëve se është një drejtues i aftë, por të bëjë mirë për Lazion. Matje kritikat shpesh edhe të pavend e kanë ndihmuar të arrijë aty ku ndodhte në këto momente.

“Duam vendin e dytë, duke parakaluar Romën në renditje për t’u dhënë shumë gëzim tifozëve tanë.. Duhet t’i marrim ndeshjet një e nga një, të vetëdijshëm për forcën tonë dhe duke qenë të përulur”, deklaroi Tare. /Telegrafi/