Nevzati: Çka po ndodh në DKA-në e Gjilanit?

Gjilan – Para dy muaj DKA e Gjilanit ka shpallë konkursin për pranimin e kuadrit arsimor dhe më pas ka bërë intervistimin e kandidatëve që kanë konkurruar. I keni intervistuar (maltretuar) mbi 400 kuadro arsimore për dhjetë ditë radhazi dhe në fund akoma se keni shpallë listën e të pranuarve thotë Bujar Nevzati.

Nevzati në një reagim thotë se vitin e kaluar i keni ndërruar kriteret për pranimin e kuadrit arsimor me çka e keni lënduar rëndë përzgjedhjen e kuadrit më të mirë mësimorë, për arsye se nuk mund të pranoheshin simpatizantët tuaj. “Ju poashtu ndërruat edhe drejtorin e DKA-së z.Nazmi Musa. Keni ndërruar komisionin intervistues dhe keni formuar komisionin me tre anëtarë të partisë suaj, të gjithë në pozita udhëheqëse të LDK-së. Çka po ndodh tash pse nuk po e shpallni ende listën e të pranuarve, kush është duke ju penguar ? ( apo ndoshta përsëri nuk kanë mundur të ju punësohen familjarët e krerëve të komunës)

Nevzati ka kërkuar nga DKA që të shpallet lista e të pranuarve, ndërsa nga kandidatët e intervistuar kërkojë që të shkojnë në DKA dhe të interesohen si janë poentuar nga ana e komisionit dhe nëse vërejnë padrejtësi të parashtrojnë ankesa në organet gjegjëse të gjykatës për shkeljen e ligjit dhe për proces jo të drejtë në rekrutimin e mësimdhënësve të rinj./rajonipress/