PDK akuzon qeverisjen komunale se po dështon në mirëmbajtjen e rrugëve dhe mbeturinave

Viti – Dega e PDK-së në Viti reagon dhe shprehë shqetësimet e saj e të shumë qytetarëve në lidhje me shërbimet publike në komunën e Vitisë.

Institucionet komunale në Viti krahas dështimit në mirëmbajtjen e rrugëve po dështojnë edhe në menaxhimin e mbeturinave dhe krijimin e një ambienti të pastër e të shëndetshëm për qytetarët tanë.

Qytetin e Vitisë dhe fshatrat e saj ka disa ditë që e kanë mbuluar mbeturinat dhe nuk ka rrugë, trotuare apo hapësira të tjera publike që nuk janë shndërruar në deponi mbeturinash, që po paraqesin rrezik të madh për jetën e qytetarëve të komunës sonë.

Dega e PDK-së në Viti i bën thirrje publike institucioneve përgjegjëse komunale që të ndërmarrin hapa konkretë në menaxhimin e mbeturinave dhe t`i ofrojnë qytetarëve të Vitisë shërbime cilësore, ambient të pastër dhe siguri në shëndetin e tyre thuhet në reagimin e degës së PDK-së në Viti./rajonipress/