Tare e do Gashin në Lazio

Elitës së futbollit italian mund t’i bashkohet edhe një tjetër futbollist i famshëm shqiptar. Fjala është për sulmuesin e Shqipërisë, i cili qe dy vite vazhdon të jetë më i dalluari në kampionatin zviceran.

Shkëlzen Gashi është bërë objektiv i Lazios, e cila dëshiron ta transferoj kosovar në Serie A gjatë verës. Sipas mediave italiane, drejtori sportiv i Lazios, Igli Tare po mundohet ta kryejë me sukses operacionin e transferimit të tij, transmeton Zëri.

Sipas mediave, ish sulmuesi i Shqipërisë është takuar me babain e futbollistit, që është edhe menaxher i tij. Sipas mediave, meqë të dy janë shqiptarë, atëherë transferimi është i mundshëm, edhe pse Baseli i kërkon rreth 8 milion për Gashin, problem i madh ky për Lazion./Zëri