Thaçi: Mosthemelimi i Gjykatës Speciale, me pasoja për vendin

Zëvendëskryeministri i vendit, Hashim Thaçi iu ka thënë të premten deputetëve të Kuvendit të Kosovës se mos themelimi i Gjykatës Speciale mund të jetë me pasoja të mëdha për shtetin e Kosovës.

Ai në seancën e Kuvendit, ku kryeministri Mustafa është thirrur në interpelancë për Gjykatën Speciale, ka thënë se e kaluara jonë nuk do të gjykohet.

“Lufta e shenjtë për liri nuk do të gjykohet por sado e dhimbshme që të duket ne duhet të punojmë së bashku për të themeluar Gjykatën që të hetoj pretendimet e raportit të Dick Martyt dhe mos themelimi i Gjykatës mund të jetë me pasoja për shtetin tonë në arenën ndërkombëtare dhe nuk guxojmë t’i lëmë fëmijëve një mjegull dhe plot dyshime për të kaluarën tonë”, ka thënë ai. /Telegrafi/