Ujkani shkëlqeu dhe tri skuadrave gjermane i pëlqeu

Samir Ujkani nuk po kalon momentet më të mira te Palermo e tij, por kjo nuk është problem. Kapiteni i Përfaqësueses së Kosovës është duke parë dritë në fund të tunelit, pasi për të vetëm kanë filluar interesimet.

Në ndeshjen miqësore mes Kosovës dhe Eintracht Frankfurtit, numri një i portës kosovare është ndjekur nga afër nga menaxherët e tri skuadrave elitare në Gjermani.

Një burim i Telegrafit tregon se portieri ynë u ka lënë përshtypje të mira skuadrave si Koln, Stuttgart dhe Frankfurtit që ia mohoi golin.

“Samiri është ndjekur nga afër sonte nga tre menaxherë të tri skuadrave gjermane. Përpos Frankfurtit që iu tregoi se sa vlenë duke u paraqitur për mrekulli, Ujkani është ndjekur edhe nga menaxherët e Kolnit dhe Sttugartit”, tha ky burim i Telegrafit.

Ujkani është në skadim të kontratës me Palermon, ndërsa e ardhmja e tij sipas gjitha gjasave do të jetë Bundesliga gjermane.

Ndryshe ndeshja miqësore mes Kosovës dhe Frankfurtit përfundoi me rezultat të barabartë 0-0. /Telegrafi/