Arlind Ajeti: Zgjidheni Shqipërinë, e jo Zvicrën apo vendet tjera

Arlind Ajeti u pajis me pasaportë shqiptare sot. Futbollisti i Baselit e ka një porosi për talentët shqiptarë. Ai i këshillon ata që ta zgjedhin Kombëtaren shqiptare, para vendeve tjera.

“Talentet shqiptare që kanë mundësi të luajnë për Zvicrën apo për përfaqësuese të tjera evropiane, duhet ta kuptojnë se askund nuk do t’i përjetojnë emocionet që të jep fanella kuqezi, prandaj u them që nuk duhet të hezitojnë për të pranuar ftesën për të luajtur me Shqipërinë”, ka thënë Ajeti për mediat shqiptare, përcjell Zëri.

Ajeti është grumbulluar rregullisht në Përfaqësueset e moshave të Zvicrës nga U-17 deri U-21, ndërsa nga viti 2011 është pjesë e ekipit të barë të Bazelit, ku është aktivizuar në 44 takime dhe ka shënuar 1 gol. /Zëri/