Dailystar: Januzaj, nga yll në antiyll në United

Gazeta britanike Dailystar e ka quajtur Adnan Januzaj, mashtrues dhe turp të ekipit britanik Manchester United, pasi edhe një herë u rrëzua në tokë pa e prekur askush duke simuluar faull dhe për këtë mori një karton të verdhë. Mirëpo, përkujton gazeta, kjo nuk është hera e parë që Januzaj dënohet për simulim të faullit, gjë që i ka ndodhur për herë të pestë.

Gazeta përkujton se Januzaj shihej si një yll në ngritje i futbollit anglez, erdhi në United, mori kontratë të re për tre muaj, u ftua në ekipin belg në botëror dhe çdo gjë dukej se po shkonte mirë. “Tash Januzaj nuk duket më yll por anti yll” shkruan gazeta britanike.

Ajo përkujton tutje se Januzajt i është tërhequr vërejtja për simulim më shumë herë se sa që ai ka shënuar. Aty përmendet se si trajneri i tij Moyes ka dashur ta mbrojë duke thënë se ai rrëzohet pasi faulohet shumë, mirëpo sipas gazetës kjo nuk mjafton. Pas këtyre argumenteve gazeta e vlerëson Januzajn turpi i Man United.