SHBA nderon Arbana Xharrën

Departamenti Amerikan i Shtetit (DASH), ka nderuar me Çmimin prestigjioz Ndërkombëtar për Guxim në Evropë, kryeredaktoren e gazetës “Zëri”, Arbana Xharrën. Xharra ka falënderuar organizatën “American Women For International Understanding” për këtë çmim.

“Është nder i madh të nderohet puna dhe sfidat që të gjitha ne i përjetojmë. Para pak ditësh kemi arritur që të gjitha në Washington dhe ishte befasi se si nga e mbarë bota ne ballafaqohemi me sfidat e njëjta. Faleminderit që na mbështesni duke na shpërblyer me këtë çmim kaq të rëndësishëm për punën tonë”, ka thënë Xhara para të pranishmëve.