Shumë fshatra të Kamenicës të bllokuara nga bora, Sinani premton ndihmë

Kamenicë – Begzad Sinani ka premtuar se shumë shpejt gjatë ditës do të intervenohet në hapjen e rrugëve të bllokuara. Banorët e fshatrave Desivojcë, Poliqkë, Tërresten, Koretin, Meshinë, lagja Malësia kanë thënë se në këto fshatra rrugët janë të bllokuara dhe kanë kërkuar ndihmën e Sinanit.

Begzad Sinani është parë i përgatitur me kompaninë për mirëmbajtjen e rrugëve. “Në teren, intervenohet në të gjitha rrugët e Komunës së Kamenicës. Rrugët do të hapen brenda një kohe të shkurtër dhe ne jemi në teren” ka shkruar Sinani.

E kjo fjali e Sinanit ka ngjallur reagime nga banorët e fshatrave të Kamenicës të cilët i kanë shkruar Sinanit në fb se rrugët janë të bllokuara në shumë fshatra duke filluar nga Desivojca, Meshina, Poliqka, Malësia, Koretini, Tërrestena etj.

Sinani u ka premtuar këtyre banorëve se shumë shpejt do të intervenohet./rajonipress/