Mielli i “Devollit” të testohet jashtë Kosovës

Mielli i dyshuar i kompanisë “Devolli Group” do të testohet edhe jashtë Kosovës. Kështu tha të premten zëdhënësi i Agjencisë së Veterinës dhe Ushqimit, Lamir Thaçi, gjatë një konference të përbashkët me Doganën e Kosovës. Thaçi ka hequr dyshimet sa i përket cilësisë së miellit që është konsumuar deri më tani.

Dyshimet për miellin dhe cilësinë e grurit të futur në Kosovë i ka hequr edhe Dogana e Kosovës, e cila tha se dokumentet që janë paraqitur nga mediat janë të falsifikuara.

Ndaj kësaj situate ka reaguar edhe kryeministri Isa Mustafa, i cili ka kërkuar hetime të thella të industrisë së grurit si dhe ka urdhëruar të dërgohen mostra në institute shkencore të vendeve të BE-së për të vërtetuar se çfarë mielli konsumojnë qytetarët e Kosovës./zeri/