Gashi: Rugova dhe Veliu kanë mendim mjeran politik

Arben Gashi, deputet nga LDK tha se problem nuk ishte Ministri serb Aleksandër Jabllanovic por Lista Serbe dhe ndikimi i saj në Kosovë. Shkarkimi i tij nuk u pa as si humbje e as si fitore e theksume tha Gashi.

“Mendoj se nuk ka këtu një fitore të theksume po as humbje të theksume. Mendoj se është një proces normal i një pakënaqësie qytetare por edhe i një vetëdijësimi politik se si duhet të veprohet në Kosovë”, tha Gashi në emisionin ‘Rrokum Roll’ në televionin Rrokum.

Gashi tha për gjendjen në vend fajësoi Qeverinë e kaluar tha se nuk pritet shumë as nga koalicioni në mes të LDK’së dhe PDK’së.

I pyetur nëse do të kandidoj për Kryetar të LDK’së, ai tha se kjo do të varet nga Këshilli i Përgjithshëm i partisë.

Ndërkohë Haki Rugovën dhe Agim Veliun i ka quajtur zëra mjeran në politikë.

“Sa i përket konceptit të falimentimit të personave të cilët kanë mendue dhe mendojnë ndryshe në LDK mendoj se është një mënyrë mjerane e të menduarit e personave që t’i i përmende, njëri prej tyre është nënkryetar partie dhe tjetri anëtar kryesie, mendoj se është mënyrë mjerane e të menduarit politik dhe as që ia vlenë të merret me këtë nivel të menduarit politik”, tha Gashi.