Hetemaj i lumtur

Mehmet Hetemaj ndihet i lumtur që u rikthye në Finlandë. Mesfushori kosovar iu bashkua ekipit SJK, pasi luajti për gjashtë muaj tek Monza në ligën e tretë italiane. 27-vjeçari megjithatë nuk e ka ndërmend të qëndrojë gjatë në këtë ekip, pasi mendon ta gjejë një klub më të madh në të ardhmen.

“Vendimi është marrë në shpejtësi, pasi i besova këtij projekti. Nuk dëshiroja të prisja deri në fund të janarit për ndonjë klub italian. Kam nënshkruar kontratë me SJK për një vit dhe klubi më ka premtuar se do të më lëshojë, nëse vjen një ofertë më e mirë. Jam i kënaqur dhe i lumtur për këtë transferim. Shpresoj të kemi suksese”, deklaroi Hetemaj.