Buzëqesh Kozniku

Trajnerit kosovar, Ardian Kozniku, duket se nuk po i pritet fillimi i sezonit pranveror në elitën e futbollit të Maqedonisë, pasi shpreson që skuadra e tij, Shkëndija, do të shkëlqejë, pas disa “çalimeve” që i bëri gjatë pjesës së parë të kampionatit.

Klubi i madh shqiptar deri më tani është përforcuar me një numër të madh të lojtarëve kualitativë, përfshirë këtu edhe sulmuesin e njohur, Mohammadou Idrissou, i cili në Bundesligë njihej si “Bomberi”.

“Unë si gjithmonë jam optimist, pres një Shkëndijë të vërtetë siç dëshirojnë pronarët dhe tifozët tanë, besoj në shumë”, ka deklaruar Kozniku.